شقيقة سعاد حسني تكشف سر زواجها من عبدالحليم حافظ ( فيديو)

كشفت جيهان عبد المنعم شقيقة النجمة المصرية الراحلة سعاد حسني النقاب عن إجابة سؤال لا يزال يشغل الكثيرين وهو: هل تزوج عبد الحليم حافظ وسعاد حسني؟!

حليم أول رجل في حياة سعاد حسني

قالت شقيقة الفنانة الراحلة سعاد حسني خلال الاحتفال بالذكرى الـ20 لرحيل السندريلا: "هي آخر وقت في حياتها قالت أنا اتجوزت أنا وعبد الحليم 6 سنين عرفي.

وأضافت خلال لقائها مع برنامج "رأي عام" على قناة TeN TV المصرية أن: "أول واحد في حياتها عبد الحليم، وقف معاها كتير في الأول، وبعد فيلم (حسن ونعيمة) هو اللي رشحها لفيلم (البنات والصيف) وكانت طالعة أخته. كان تاني فيلم تعمله مع عبد الحليم، وحبوا بعض واتجوزوا".

وتابعت: "هما اتجوزوا في السر يُقال عشان معجبيهم، بس هو كان أشهر منها في الوقت ده، وبعد كده هي بقت ممثلة مصر الأولى لمدة 12 سنة، ولما كان عايز بعد كده يشهر الجواز هي رفضت وحست بالإهانة، وحصلت مشاكل وانفصلوا، وكان بيغير عليها غيرة رهيبة".